粤语小歌剧《全球战疫》
发布时间：2020-05-06 作者：司马新 来源：中国粤剧网 点击：
《全球战疫》广播剧的播出，不禁令我辈人回忆起儿时常听由冼碧莹、吴克等播出的广播剧节目，时移世易，但艺术永恒……
一荣与欣谊
《全球战疫》广播剧制作人员合影
广播剧《全球战疫》节选
【娱乐平升音乐趁底】
【一】
【解说】2020鼠年嘅春节就快到嘞，好多人都准备一家大细团年聚餐，又或者外出旅游过年呀！你哋睇！？他们倾得几兴奋！
爸爸：嗱！明仔，你就快放假嘞，我哋一家过年准备出去玩啵，你有冇边度计划咁呀？
明仔：嗯......我最想去滑雪！唰——哗！喺斜坡上边冲落嚟个种感觉，超爽啊！
妈妈：有冇D好线路？可以带埋爷爷、嫲嫲一齐去嘅呢？！
爸爸：哦！我刚啱喺旅行社攞咗D资料返嚟，嚟！过嚟过嚟，一齐过嚟研究下吖！
明仔：不过就唔知到春节嘅天气会係点嘅呢，开个电视睇下天气预报先！
妈妈：好啊。快D开个电视睇下啦！
明仔：哦！好彩！春节个几日嘅天气都好靓啵，啱晒出外玩呀！
妈妈：係咁就好啰！
【电视新闻音频背景】
明仔：不过新闻话呀，武汉个边好似有很多人感染肺炎啵！
爸爸：係呀！冠状病毒肺炎啊！感染嘅人数仲日日激增，听讲话武汉个边准备要封城添啵！
妈妈：封城？咁唔係好大“获”？我哋嘅旅游计划......
【曲】：《取消行程》
调寄：秋江别中板
词：欣 谊
演唱：欣谊、司马新
女：新春到 计划阖家去“癫”
童：一齐去“癫”
女：Happy去 乐似神仙
童：喜地欢天
男：谁料新冠病毒传 行程要取消 在家过年
合：行程要取消 在家过年
【二】
【解说】大家喺电视、微信里面，睇住全国各地嘅白衣战士，一个个按下鲜红嘅指印，主动请缨，奔赴疫区，救死救伤呀！
【曲】：一荣原创《红指印》（粤语）
词、曲及音乐制作：一 荣
录音制作：陈 婕
二胡：张桅
主唱：一 荣、陈丽芝。
（合）按下红指印 肩担起重任
（女）心系生与死
（男） 道别了亲人
（合）按下红指印 定立了决心
（男）誓战胜疫魔
（女） 尽力挽苍生
（男）或许有人会问 何解执意逆行
（女）白衣战士本分 要对得住人民
（合）按下红指印
（男）医者父母心
（女）感激您信任
（合）冲锋亦无憾
【解说】为咗支持湖北武汉疫区救援，各地都纷纷派出医疗队奔赴前线。
【音效】：救护车
【解说】病房里，嚟咗一个感染肺炎嘅小病号，因为防止感染其他人，需要隔离。小小嘅年龄要离开咗妈妈，难怪佢会成日哭闹，彻夜难眠啦。
【音效】：小孩找妈妈哭声
【解说】睇住呢个眼泪汪汪嘅小病号，身为人母嘅护士长，肩负起“临时妈妈嘅职责嘞。
护士长：嗱！就当医院係你屋企，医生护士就係你嘅妈妈啦。你嘅病，会传染人㗎，所以呢，而家你就要留喺医院治疗，等病好返咯，爸爸妈妈就嚟接你返去㗎嘞！不如咁吖，我唱首歌仔比你听下吖，乖乖瞓嗱！
【哼唱】《月光光》……
【三】
【解说】由于政府嘅重视、人民嘅齐心、医务人员前赴后继嘅接力救援，抗疫工作初见成效，形势喜人啊！
【背景】：
【新闻发布疫情报告、病例零增长嘅语音】
护士长：彭医生，你喺隔离病区日夜轮班，真系辛苦你咯。今日大年三十，嗱！你唔返屋企休息下，陪下你个未婚妻啊？
阿 华：哦，我后生吖嘛，等我上啦！比其他有家嘅同事多D休息下，仲係我留守啦！
（两声干咳，同时起音效）
护士长：彭医生，你点啊？
阿 华：冇事，个边有病人叫啦，等我过去睇睇先。
【音效】：
【广播：十六床按铃，十六床按铃，请值班医生到位】
【解说】经过医务人员奋不顾身嘅努力，使到好多患者，比佢哋从鬼门关上拉返返嚟；同时，有好多嘅患者康复出院，一家团圆乐享天伦。但係，亦都有唔少嘅医生、护士不幸被感染咗，有D甚至倒在战场上。阿华在查房之后，出现发热、咳嗽等症状；后嚟；病情加重、恶化；最终经抢救无效，为抗疫牺牲......
【曲】：《清明网祭寄深情》
曲：顾嘉辉
词：欣谊
演唱：欣谊
又到清明
疫症下警钟未停
易俗移风云祭扫
虔诚心香敬
绿色清明
无用焚香冥
奉上鲜花撰文送
遥寄哀思情
怀缅那白衣战士
为众生奋不顾命
以将血肉之躯
迎顽疫
与疫魔相比拼
情寄清明
内心感铭
赖有义勇士为民众
奉献热诚
力挺那重担在膺
为国牺牲也未惊
今日华夏众人齐心
奋力并肩抗疫情
奠祭新风领
在网上心香敬
缅怀英烈
共度时艰
定迎来朗日晴
【四】
【解说】都唔知D人係咪已经习惯咗两个几月守喺屋企，唔出街呢？！各行各业返岗复工之后，餐饮业似乎都仲未出现“报复消费”啵！好多酒楼餐厅都仲係冷冷清清呀！
【曲】：【唱好餐饮业】
主唱：一荣（粤语原创）
词、曲及音乐制作：一荣、梁炳坤
合唱：一荣、梁炳坤、区敏玲、吴毅懿
我靠努力 你够积极
时常探讨特色
餐饮领域 一起创佳绩
彼此合拍咁先给力
我做酒席 你去搵嘢食
务求各位受益
起跌顺逆 仔细去分析 不必太消极
鲜嘅！香嘅！咸嘅！
甜嘅！苦嘅！甘嘅！
酸嘅！辣嘅！享味觉冲激！
爽嘅！脆嘅！滑嘅！
糯嘅！松嘅！化嘅！
软嘅！韧嘅！天天有交易！
我靠努力 你够积极
时常探讨特色
餐饮领域 一起创佳绩
彼此合拍咁先给力
我做酒席 你去搵嘢食
务求各位受益
起跌顺逆 仔细去分析 不必太消极
煎嘅！焖嘅！卤嘅！
炸嘅！烤嘅！局嘅！
扣嘅！炖嘅！多几个花式！
煲嘅！滚嘅！蒸嘅！
炒嘅！烧嘅！炊嘅！
熘嘅！灼嘅！统统皆美食！
等我唱好餐饮业！唱好餐饮业！
【五】
【解说】2020年，係我国全面实施小康社会至关重要嘅一年，之一个“新冠肺炎”疫情，几乎打破咗我哋嘅梦想！为咗更好咁返岗复工，恢复正常嘅社会运作，特别係贫困山区嘅农民呀！佢哋辛辛苦苦咁种出嚟嘅农富产品，困喺山里面卖唔出呢个实质性嘅问题，好多地方嘅市领导、县领导，甚至村长呀，佢哋都带头为产品代言，运用网络先进嘅科技，积极开展带货直播营销呀！
【曲】：【带货网红直播】
调寄“鸾凤和鸣”
填词及音乐制作：一荣
主唱：一荣、林宇珊
扶贫 扶贫
营销网上 成为红人
成功一天天咁接近
难得信赖全凭人民
山区必可脱穷困
带货亲自上阵
村长推广担重任
品质一定要过硬
带动全国直播多帮衬
山区农民要富裕
依靠电商 精准扶贫
速销代言好产品
施政思路照远近
【六】
【解说】时至今日，中国嘅疫情，已经得到咗有效嘅控制，我哋要“外防输入、内防扩散”以及无症状嘅病毒带菌者！喺取得阶段性胜利嘅同时，我同样係要头脑清醒，沉著应战！绝不能让我哋D英雄们所付出嘅努力与代价，功亏一篑啊！特别係而家，世界各地都被“新冠肺炎”所吞噬！世界各国正共同努力！可谓大难当前，八方支援！
【曲】：《全球抗疫》
配乐诗朗诵: 一荣、欣谊
作曲、编曲:何 生
作词: 一荣、傅斌强
神洲大地一声雷
人民祈盼疫消除
世界各地伸援手
可歌可泣摧人泪
中华名企献疫区
白衣战士不气馁
威武之师冲在前
携手定把恶疫驱
封城明智守规矩
十天建院史册叙
一级响应效显著
前赴后继好团队
世界各国心凝聚
中华儿女挽危垂
排除万难勇当先
抛开歧视求共对
中国影响着人类
人类铭刻在心里
友爱的心心相连
永远团结不掉队
封城明智守规矩
十天建院史册叙
一级响应效显著
前赴后继把梦追
全球战疫号角吹
彼此同心力凝聚
我哋互相来支援
人类命运共进退
